ప్రపంచ అధునాతన సకలశాస్త్ర విఙ్నానానికి,అత్యున్నత సంస్క్రుతులకు, సంస్కారానికి , ప్రేమకి, దయకి, కరుణకి,అనురాగాకి, ఆప్యాయతకి,అభిమానానికి అత్యున్నత మానవ సంబంధములకు పుట్టినిల్లయిన దేశమున పుట్టినందుకు మనం గర్వపడాలి. telugubandhu.com తెలుగు ప్రజల అతిపెద్ద ఆధ్యాత్మిక వెబ్ సైట్. అన్ని విషయాలు ఇందులో ఉంచబడినవి.
Friday, 13 February 2015
సీతా శోకనాశనకరుడే పంచముఖాంజనేయుడు.
సీతా శోకనాశనకరుడే పంచముఖాంజనేయుడు. నరసింహుడు, హయగ్రీవుడు, గరుత్మంతుడు, వరాహస్వామి, ఆంజనేయుడు - ఈ అయిదూ ఒకే తత్త్వం తాలూకు విభిన్న వ్యక్తీకరణలు. ఇది మంత్రపరమైన ఔచితీ దర్శనం. మృగవదనం, నరశరీరం కలిగిన దేవతలు 'క్షిప్రప్రసాద' (వెంటనే అనుగ్రహించే) లక్షణం కలవారు.
రాక్షస సంహారంలో ప్రతాపాన్ని చూపిన నారసింహ లక్షణం జ్ఞాన స్వరూపునిగా హయగ్రీవ స్వభావం, గరుత్మంతునిగా మహావేగం, వరాహ స్వామిగా సంసారసాగరం నుంచి, శోకపంకం నుంచి ఉద్ధరించే తత్త్వం, తనకు సహజమైన వానరాకారం - ఇవన్నీ కలబోసినా లీలలను రామాయణంలో ప్రదర్శించాడు హనుమ. అందుకే పంచముఖాంజనేయునిగా దర్శనమిచ్చాడు. అంతేకాక - గజవదనుడైన గణపతి తత్త్వం, హనుమ తత్త్వమూ కూడా ఒకటేనని విజ్ఞుల విశదీకరణ.
"అవ్యక్త అప్రమేయ పరతత్త్వమితదు" అని వాల్మీకి సుందరకాండలో పేర్కొన్నాడు.
'సుతరాం ఆద్రియతే ఇతి సున్దరః' అందరి ఆదరణా పొందే గుణ మహిమ రూపాలు కలవాడు హనుమయే సుందరుడు. మంత్రశాస్త్రంలో హనుమ నామం సుందరుడు. అందుకే హనుమ కథ "సుందర కాండ"గా రామాయణ రత్నమాలలో కొలికి పూసలా ప్రకాశిస్తున్నవాడు.
Subscribe to:
Post Comments (Atom)
No comments:
Post a Comment