ప్రపంచ అధునాతన సకలశాస్త్ర విఙ్నానానికి,అత్యున్నత సంస్క్రుతులకు, సంస్కారానికి , ప్రేమకి, దయకి, కరుణకి,అనురాగాకి, ఆప్యాయతకి,అభిమానానికి అత్యున్నత మానవ సంబంధములకు పుట్టినిల్లయిన దేశమున పుట్టినందుకు మనం గర్వపడాలి. telugubandhu.com తెలుగు ప్రజల అతిపెద్ద ఆధ్యాత్మిక వెబ్ సైట్. అన్ని విషయాలు ఇందులో ఉంచబడినవి.
Monday, 2 February 2015
చతురాత్మా చతుర్వ్యూహః చతుర్దంష్ట్రశ్చతుర్భుజః!!
చతురాత్మా చతుర్వ్యూహః చతుర్దంష్ట్రశ్చతుర్భుజః!!
చతురాత్మా - సృష్టి, సృష్టికర్త, పోషకుడు, లయకారకుడు తానేయైన వాడు. నాలుగు విభూతులకు కర్త పరమ పురుషుడైన విష్ణువు. ఆత్మయొక్క విభూతి తత్వము చతుర్విధములని విష్ణుపురానములో చెప్పబడినది. తురీయాతీతుడు, చతురాత్ముడగు విష్ణువుకు నమస్కరిస్తున్నాము.
చతుర్వ్యూహః - సంకర్షణ, వాసుదేవ, ప్రద్యుమ్న, అనిరుద్ధులుగా అవతరించినవాడు. సర్వవ్యాపియైన విష్ణువు విశ్వ సృష్టి కొరకు నాలుగు వ్యూహాలుగా అవతరించాడు. ఈ నాలుగు వ్యూహాలు వాసుదేవ, సంకర్షణ, ప్రద్యుమ్న, అనిరుద్ధ అని పిలువబడుచున్నవి. చతుర్వ్యూహునిగా పిలువబడు విష్ణువుకు నమస్కరిస్తున్నాము.
చతుర్ద్రంష్ట్రః - ఐరావత, నారసింహ రూపాలలో పదునైన నాలుగు కోరలు కలిగినవాడు. దంష్ట్రములు అనగా వాడియైన కోరలు. వేదాంత పరంగా నాలుగు దంష్ట్రములు నాలుగు పాదులని అంటారు. పరమాత్మ నరసింహస్వామిగా, ఐరావతమ్గా దంష్ట్రములను కలిగియున్నాడు. చతుర్ద్రంష్ట్రుడగు విష్ణువుకు నమస్కరిస్తున్నాము.
చతుర్భుజః - శంఖచక్ర గదా పద్మములు ధరించు నాలుగు భుజములు కలవాడు. చతుర్భుజుడైన విష్ణువు శంఖచక్రగదా పద్మములు ధరించి ధర్మరక్షనను గావిస్తుంటాడు. చతుర్భుజుడైన శ్రీమన్నారాయణుడు దుష్టశిక్షణ, శిష్టరక్షన చేస్తాడు. చతుర్భుజుడైన విష్ణువకు నమస్కరిస్తున్నాము.
Subscribe to:
Post Comments (Atom)
No comments:
Post a Comment