గమనిక :

మరింత సమాచారం మీకు అందుబాటులో ఉంచుటకు "తెలుగుబంధు2", అందుబాటులో ఉంది, దానిపై నొక్కి మరింత సమాచారం పొందకలరు . ఎటువంటి సమస్యలకైనా, ప్రశ్నల కైనా, సందేహాలకైనా తెలుగుబంధు లో సమాధానం ఉంచబడినది . ( తెలుగు ప్రజల ఆధ్యాత్మిక విషయాలు, జీవన అభివృద్దికి సూచనలు ). ఫోటో లు స్పష్టం గా కనపడాలంటే, ఫోటో పై నొక్కండి .
గమనిక : మరింత సమాచారం మీకు అందుబాటులో ఉంచుటకు తెలుగుబంధు2, అందుబాటులో ఉంది దానిపై నొక్కి, మరింత సమాచారం పొందకలరు ( తెలుగుబంధు ఎటువంటి విరాళాలు, దాన ధర్మాలు, ఆశించదు) , మరియు స్వీకరించదు. ( ఎటువంటి జాతక సంబంధ విషయాలు పంపవద్దు, జాతక బలము కన్నాను దైవ బలము చాల శక్తివంత మయినది, కావున దేవుని ప్రార్ధించండి, ఆయన కృపకు పాత్రులు కండి). ( మీ యొక్క సందేహాలు, సమస్యలు , సలహాలు మాకు తెలుపుటకు. E-Mail : telugubandhu@gmail.com , kishoreor777@gmail.com . PH:7660049327.)

Tuesday, 20 May 2014

గ్రహ దోషాలు - శాంతి మార్గాలు

గ్రహ దోషాలు - శాంతి మార్గాలు

వైద్యుని దగ్గరకు ఆరోగ్య ఇబ్బంది వచ్చి వెడుతుంటాం. ఆ వైద్యుడు రోగ నిర్ధారణ చేసి మందులు చెప్పకపోతే ఉపయోగం ఉండదు. వైద్యుడు మనం జీవించి ఉండగా సుఖపడటానికి మందులు ఇస్తాడు. మనం బతకడానికి ఇవ్వలేడు. మన ఆయుర్దాయం భగవంతుడ
ి చేతిలో ఉంటుంది. అలాగే బాధాకరమైన కాలం దగ్గరకు వచ్చిన సమయంలో వాటిని తట్టుకునే శక్తిని ఇచ్చే శాంతి మార్గాలు తెలియజేయవలసిన బాధ్యత సిద్ధాంతులది. సిద్ధాంతి కష్టం ఎదుర్కొనే మార్గం చెప్పగలడు. అంతేకానీ కష్టాలు పూర్తిగా పోయే మార్గాలు చెప్పడు. అయితే ఈ శాంతి మార్గాలు కేవలం శాస్త్రంలో కొంతవరకే ఉంటాయి. వాటిని పురాణాలు, వైదిక సంప్రదాయాలు మంత్ర శాస్త్రం బాగా తెలిసిన వారు జ్యోతిశ్శాస్త్రంతో ముడిపెట్టి ఎన్నో మార్గాలు తెలియజేశారు. దీనికి ప్రధానమైన ఆధారం జ్యోతిశ్శాస్త్ర గ్రంథాలలో రవి ఈశ్వరారాధన చేస్తారు. చంద్రుడు గౌరీ ఉపాసకులు. కుజ దిశ సుబ్రహ్మణ్యం అధిదేవత అనియు, బుధుడికి విష్ణువు ఆరాధ్య దైవము అని, గురువుకు శివుడు, శుక్రుడికి లక్ష్మీ ఉపాసన, శనికి శివారాధన, రాహువుకు దుర్గ, కేతువుకు గణపతి అని చెప్పబడింది. దీని ఆధారంగా వివిధమైన విధానాలు పెద్దలు, మహర్షులు వ్యవస్థ చేశారు. విష్ణుమూర్తి సృష్టి పరిపాలకుడు. ఆయన పరిపాలనకు గాను తన అనుచరులుగా ఈ నవగ్రహాలను ఉంచారు. అంవలన సృష్టి పాలకులయిన హరిహరులను నిత్యం అర్చించడం నవగ్రహాలకు యధోచిత సేవ చేయడం చాలా శ్రేయస్కరమయిన అంశం. నిత్యం నవగ్రహ స్తోత్ర పారాయణ, నవగ్రహాలకు 11 ప్రదక్షిణాలు చేయడం వంటివి అవసరం. ఇది కనీస శాంతి మార్గం. సాధారణంగా ఆరోగ్య సమస్యలు నడిచే విషయంలో సూర్య నమస్కారాలు అరుణ పారాయణ చేయించడం ఒక విధి. రవి దశ, గురు దశ, శని దశ, కేతు దశ నడిచేటప్పుడు ఇది బాగా పని చేస్తుంది. చంద్రగ్రహం వలన వచ్చే ఆరోగ్య సమస్యలకు సూర్య నమస్కారాలతోపాటు దుర్గా అనుష్ఠానం చేయించాలి. అలాగే కుజ దశ నడిచే సందర్భంలో సుబ్రహ్మణ్య ఆరాధన, బుధ దశ విషయంలో లక్ష్మీనృసింహానుష్ఠానం, శుక్ర దశలోనూ కేతు దశలోనూ లక్ష్మీ నృసింహానుష్ఠానం, శనితో సంబంధంగా ఆరోగ్య సమస్యలు వున్నప్పుడు మృత్యుంజయ జపం, రాహువుతో సంబంధంగా ఆరోగ్య సమస్యలకు దుర్గా అనుష్ఠానం శ్రేయస్కరం. అలాగే మృత్యుప్రదము అయిన ఆరోగ్య సమస్యలు తీవ్రంగా బాధించే సమయంలో నిత్యం 'మృత్యుంజయ పాశుపతం' చేయించడం శ్రేయస్కరం అని పురాణవేత్తలు చెబుతారు. వివాహం: వివాహం ఆలస్యం, ప్రయత్నాలలో చికాకులు విషయంగా రవితో సంబంధం అయిన సందర్భంలో శివ కల్యాణం చేయించడం, నిత్యం శివాలయంలో శివారాధన చేయడం, చంద్రుడితో దోషం వున్నప్పుడు గిరిజా కళ్యాణం చేయించడం మరియు సుబ్రహ్మణ్య పూజలు చేయడం, బుధ గ్రహంతో దోషం వున్నప్పుడు రుక్మిణీ కళ్యాణం ఘట్టం రోజూ పారాయణ చేయడం అలాగే కుదిరినప్పుడు శ్రీనివాస కళ్యాణం చేయించడం, గురువుతో వివాహ విషయమై దోషం వున్నప్పుడు శివ కల్యాణం చేయించి పంచాక్షరీ మంత్రానుష్ఠానం చేయించడం. శుక్ర సంబంధమయిన దోషంతో వివాహ ప్రతిబంధకాలు వున్నవారు రుక్మిణీ కళ్యాణం పారాయణ చేయడం లక్ష్మీ నృసింహ కరావలంబ స్తోత్రం పారాయణ చేయడం అవసరం. శని దోషంగా ఉండి వివాహ విషయంగా ప్రతిబంధకాలు ఉన్నప్పుడు శివ కళ్యాణం చేయించి నిత్యం రామనామం చెబుతూ ఆంజనేయ స్వామికి 108 ప్రదక్షిణలు చేయడం, రాహువుతో వివాహ విషయంగా ప్రతిబంధకాలు వున్నప్పుడు పార్వతీ కళ్యాణం చేయించి రోజూ దుర్గా సప్తశ్లోకా పారాయణ మరియు లలితా సహస్ర పారాయణ చేయడం, కేతువుతో దోషం చెప్పబడినప్పుడు విఘ్నేశ్వరుడికి చతురావృత్తి తర్పణాలు చేయించి నిత్యం లక్ష్మీ నృసింహ స్తోత్ర పారాయణ చేయడం శ్రేయస్కరం. అయితే ఏ గ్రహ సంబంధమయిన దోషం వున్నా 'కన్యాపాశుపతం' చేయిస్తారు. గ్రహ సంబంధమైన ఏ విధమైన దోషం వున్ననూ నిత్యం నవగ్రహాలకు ప్రదక్షిణలు 11 చేసి అనంతరం శివుడికి 11 ప్రదక్షిణలు చేసి శివసన్నిధిలో విష్ణు సహస్ర నామ పారాయణ చేయడం సర్వదా శుభం అని పెద్దల వాదన. దీనికి కారణం సృష్టి పరిపాలకులు గ్రహ గమన నిర్దేశకులు హరిహరులు సంతృప్తి నొందితే సత్వరం మంచి ఫలితాలు ఉంటాయి. పై శాంతి చేయించడం ద్వారా జాతకంలో రాసి వున్న వివాహ దశలు కాలము మారవు. ప్రయత్నాలలో అవరోధాలు చికాకులు తొలగుతాయి. ఇక విద్యా విషయంగా పరిశీలిస్తే రవి దోషంగా వున్ననూ అనుగ్రహం కావలసి వచ్చినను గురు శని విషయంలో కూడా దక్షిణా మూర్తి ఆరాధన త్వరగా సత్ఫలితాలను ఇస్తుంది. చంద్రగ్రహ విషయంలో బాలానుష్ఠానం, కుజ గ్రహ విషయంలో సుబ్రహ్మణ్య ఆరాధన, బుధ గ్రహ విషయంలో హయగ్రీవోపాసన, శుక్రగ్రహ విషయంలో హయగ్రీవోపాసన, రాహు గ్రహ విషయంలో బాలామంత్రానుష్ఠానం, కేతువు గ్రహ విషయంలో శ్రీవిద్యా గణపతి అనుష్ఠానం చెబుతారు. అయితే 'ఈశానస్సర్వ విద్యానాం' అనే వేద వాక్యం ఆధారంగా 'ఓం నమశ్శివాయ' శివ షడక్షరీ మంత్రానుష్ఠానం దీక్షగా మెడిటేషన్ చేసిన వారికి విద్యా విజ్ఞాన యోగం తప్పక లభిస్తుంది.
పిల్లలు సరిగా మాట వినకపోయిననూ, సరియగు దారిలో లేకున్ననూ, విద్యా ఉద్యోగ వివాహ విషయములలో సమస్యలతో వున్ననూ 'శ్రీరామ శ్శరణం మమ' అని 108 ప్రదక్షిణలు ఆంజనేయ స్వామికి ప్రతిరోజూ చేయడం ద్వారా తల్లిదండ్రులు సత్ఫలితాలు అందుకుంటారు.
ఉద్యోగ విషయంలో రవి గురు శని దోషం ఉంటే పాశుపతి అభిషేకం చేయించి ప్రదోష కాలంలో శివాలయంలో చండీ ప్రదక్షిణలు చేయాలి. చంద్ర శుక్ర రాహు దోషం ఉంటే చండీ సప్తశతీ పారాయణ, కుజగ్రహ దోషం ఉంటే సర్పసూక్తంతో అభిషేకం, బుధ కేతు గ్రహ దోషం ఉంటే లక్ష్మీ గణపతి అనుష్ఠానం శ్రేయస్కరం.
సంతానం కొరకు పురాణాలలో చాలా విశేషములు ఉన్నాయి. శ్రీకృష్ణ పరమాత్మ వ్యాస మహర్షి మొదలగు వారు సంతానం కొరకు శివారాధన చేసినట్లు పురాణాలలో చెప్పబడింది. సంసారంలో చికాకులు తొలగి భార్యాభర్తల మధ్య అన్యోన్యం పెరుగుటకు 'శివకామేశ్వరాంకస్టా శివాస్వాధీన వల్లభా' అనే వాక్యం లలితా సహస్రంలో ప్రతి శ్లోకానికి ముందు వెనుక చెప్పి మూడు కాలాలతో చేయుట ద్వారా మంచి ఫలితాలు త్వరగా సిద్ధిస్తాయి. ఇలా ఎన్నో విశేషములు జ్యోతిశ్శాస్త్రం పురాణాలు తెలిసిన వారు కలిసి చెప్పినవి మన పూర్వీకుల నుండి ఆచరణలో వున్నవి అయిన అంశాలు ఇవి.


No comments:

Powered By Blogger | Template Created By Lord HTML